HALMASHAURI YATOA MSAADA WA VIFAA VYA UJENZI KWA SHULE ZA SEKONDARI

Posted on: January 25th, 2021

Halmashauri ya Wilaya Missenyi imetoa vifaa vya Ujenzi vyenye thamani ya shilingi milioni 99.4 visaidie kukamilisha Ujenzi wa vyumba 19 vya madarasa vinavyohitaji kupokea wanafunzi waliochaguliwa kujiunga na kidato cha kwanza wapatao 4,055

Mwenyekiti wa halmashauri ya Wilaya Missenyi Projestus Tegamaisho Leo jumatatu amekabidhi mifuko ya saruji 400 na mabati 1,800 kwa viongozi wa shule zinazojenga vyumba hivyo ikiwa ni awamu ya pili halmashauri kuchangia nguvu za wananchi kwa ajili ya ukamilishaji vyumba hivyo

Tegamaisho amesema kuwa fedha zilizonunua vifaa hivyo zimetokana na mapato ya ndani ya halmashauri pia akawataka viongozi wanaosimamia Ujenzi kuhakikisha Ujenzi unakamilika ifikapo mwezi ujao

Shule za Sekondari zilizopewa vifaa hivyo katika awamu ya pili ni Kagera,Minziro,Kilimilile,Kakunyu,Mutukula,Buyango,Gablanga,Kashenye,Rugoye,Gera na Buyango Sekondari

Hii ni mara ya pili Halmashauri kutoa msaada wa vifaa vya ujenzi kwani mwishoni mwa mwezi Desemba Halmashauri ilitoa msaada wa mifuko elfu moja (1000) kwa shule tano za Sekondari zenye upungufu wa vyumba vya madarasa.

Lengo kuu la ugawaji wa misaada hii ni kukabiliana na upungufu wa wa vyumba 19 vya madarasa unayoikabiri Halmashauri ya wilaya ya Missenyi.

Sambamba na hilo, wajumbe wa Kamati ya Ulinzi na Usalama ya Wilaya Missenyi kwa nyakati tofauti wameshirikiana na wananchi katika Kata mbalimbali kujitolea katika ujenzi wa vyumba vya madarasa ili kuwezesha wanafunzi wote waliochaguliwa kujiunga na kidato cha kwanza na hakuna anayebaki nyumbani kwasababu ya Upungufu wa vyumba vya madarasa.

Taarifa kwa hisani ya ndg Respicius John-RK